غزل فياض سمائر الجھي پوان ٿو ھڪڙي سوال ۾

غزل شاعر فياض سمائر

غزل

اُلجھي پوان ٿو اڪثر ھڪڙي سوال ۾

 ڇالئہ اچي ٿي ھر ھر منھنجي خيال ۾

خوابن جو خون ٿي ويو توکي خبر نہ پئي

 سالن کان سوڳ آھي'' اک جي عيال ۾''

ڪيڏو وسيع ڪيو ٿي دوريءَ جو دائرو

 ڀـــيرو ڀرڻ نہ آئينءَ ھڪڙو بہ سال ۾

جيڪو بہ اٿئي چوڻو تون صاف صاف چئہ 

 مون سان نہ ڳالھ ڪر تون ويڙھي رومال ۾

وڻ ٽڻ پکي ۽ پوپٽ جھومن نچن پيا

ٿي ڪير گيت ڳائي اڄ سر ۽ تال ۾

📖 شاعر بابت